طفل من غزة

يا طفل يا فلسطينى

يالى انت من دينى

وفيت قوام دينك

ونسيت انا دينى

يا طفل يافلسطينى

______________

يا طفل من غزة

مرسوم على العزة

مصحف بيهدينى

يا طفل يافلسطينى

____________

يا طفل من غزة

علمتنا العزة

فتحت باب للشمس

والنخوة فى نفوسنا

بابها عليه رزة

يا طفل من غزة

انا فى الحياة لسه

بتهجى واستنى

وانت فهمت الكتاب

وسبقت ع الجنة

_______________

يا طفل من غزة

جاوب على الاسئله

حيران بلا عزة

وانت فى عزك هنا

راسم طريق للنور

بالدم وحجارة

وشك عليه انبيا

وسلالتك النادرة

بتقول عليك معجزة

على العدو غارة

ياطفل من غزة

______________

شاطرين فى فن الكلام

والوزن والموزون

وانت عليك السلام

متخفش مليون سور

يا طفل او راجل

عايز اكون عادل

والعدل بميزنا مبقاش

خلاص راجل

وياك هيتعادل

مين اللى صار مجنون

ومين فينا الراجل

____________ شعر : أ/ ذكى خلفة