اتسأل وكلى اسى والم لماذا نرضى ان نعيش هكذا
الموضوع يبدأ حين كنت اجلس كالعادة مع طلبة الثانوية العامة وقال لى احدهم انه زهق من الامتحانات وانه مش مذاكر وهيخش المادة اللى فاضله وزى مايجيب مش هتفرق مع العلم ان هذا الطالب قدراتة عالية
فقلت له ليه يا احمد انت لسة قدامك فرصة
فضحك وقالى فرصة ايه يا عم دا المدرسيين بتوعنا مبيعرفوش يحلو الامتحانات من صعوبتها
حاولت التخفيف عنه وانا اعلم ان المصلب جسييم
وغيرنا الموضوع وانصرفت
وحين اطلعت على الاخبار اجد ان هناك تسريب امتحانات وانتحار طالبة وطالب بسبب الامتحان وشكاوى يومية فى كل البرامج وفساد
كشفت عنه الاحداث الماضية
وهنا خرج وزير التعتيم اصدى التعليم قائلا ان تسريب الامتحانات يحدث منذ 20 سنة وان الامتحانات مش صعبة اوى دى فى مستوى الطالب المتوسط
واظن ان ذالك الجمل لو دخل الامتحانات دى مش هيجيب 60 %
واتسأل:
من المسئول عن ضياع هذا الجيل ؟؟؟؟؟؟؟؟؟؟؟؟؟؟
ماذا ينتظر الاباء؟؟؟؟؟؟؟؟ ان ينتحر ابنائهم!!!!!
حيث ان الانتحار اصبح كتيير اليوميين دول واصبح المواطن المصرى اما ان يموت شهيد وهو بيجيب العيش او ينتحر او يموت وهو بيحاول يسافر بره او يشتغل عسكرى فى الجيش او الشرطة حيث ان البلد لا يوجد بها شغل الا فى الجيش او الشرطة عسكرى مطوع طبعا اومال يعنى امين شرطة
_____________________________________________________
فكرتونى بالشغل وبامناء الشرطة
فقد جائنى فى مرة امين شرطة يعمل فى امن الدول وقال لابى العزيز ان الرئد ........... باشا يريد ابنك غدا
وكنا ايام الامتحانات فقال له ابى ليه دا عنده امتحانات
قال له امين الشرطة علشان كان بيوقف فى مظاهرات فى الكلية وبيعلق ورق لطلاب الاخوان المسلمين وكان بيوقف معاهم
فقال لى ابى الغالى انت هتروح قولتله لا انا مش فاضى فكك منهم
ولكن امين الشرطة جالى اكثر من مرة
واخر ما زهق بعت لابى واحد وقاله انه هيعمل لابنك ملف ميشتغلش طول عمره فقال له ابى يشتغل فين هو فين الشغل ده
وبعدين هو مين اللى بيرزق العباد.
والله انا ما سعدت فى حياتى كما سعدت من وقوف ابى العزيز حفظه الله بجانبى وتفهمه الموقف .
___________________________________________________
وهكذا يجب ان يعى الشعب المصرى خطورة الوضع الراهن وما نحن فيه من فساد ليس له مثيل وقيادة فاشلة بكافة المقاييس
ومش عارف الشعب مستنى ايه يحصل اكتر من اللى احنا فيه
على العموم انا برده واحد من الشعب يا عمى فكك
وفى الختام احب ان اختم بالمقولة الشهيرة " ايدك فى ايدينا مصر بتتقدم بينا "
والسلام عليكم ورحمة الله ............................................................................ الى لقاء قريب ان شاء الله